上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬可福音
5
耶穌醫好邪神附身的人
( 太8:28-34 路8:26-39 )
耶穌過去加利利湖的彼旁岸，到格拉森人的地區。
2 伊一下落船，有一個互邪神附身的人抵對墓仔埔出來，抵著伊。
3 此個人攏住佇墓仔埔，人用鐵鍊都給伊鍊𣍐牢。
4 真多遍人用鐵鍊及腳銬給伊捆縛，鐵鍊互伊擦斷，腳銬互伊摃碎，無人有氣力給伊制伏。
5 伊暝日佇墓仔埔抑是山坪亂嚷，閣用石頭傷害家己。
6 伊佇遠遠的所在看著耶穌，就走來跪佇伊的面前，
7 大聲喝：「至高上帝的子耶穌，你插我！我指上帝的名懇求你通苦楚我。」
8 因為耶穌有對伊講：「邪神，對此個人出去！」
9 耶穌問伊：「你什麼名？」
伊應講：「我的名是『軍團』，因為阮真大陣。」
10 伊迫切哀求耶穌通趕𪜶離開彼個地區。
11 彼時，附近的山坪有一大群豬啲討食。
12 邪神求耶穌講：「互阮去豬群遐，通入去𪜶內面。」
13 耶穌准𪜶。邪神就出去，進入彼群豬；歸群豬，約有兩千隻，對山坪闖落去湖裡，互水死。
14 飼豬的人就驚甲走去城內及鄉村報此個消息。眾人就出來欲看有發生什麼代誌。
15 𪜶來耶穌遐，看著彼個互鬼附身，就是曾互「軍團」纏著的人坐佇遐，有穿衫，精神正常，就真著驚。
16 看著的人就將互鬼附身的人及豬群所抵著的代誌給人講。
17 𪜶就要求耶穌離開𪜶的地區。
18 耶穌欲上船的時，曾互鬼附身彼個人求耶穌准伊做夥去。
19 耶穌准，給伊講：「轉去恁兜，恁親人遐，將主憐憫你，對你所做赫呢大的代誌攏報𪜶知。」
20 彼個人就離開，佇低加坡里傳揚耶穌對伊所做赫呢大的代誌；所有的人攏著驚奇怪。
會堂主管的查某子及致著血漏病的婦仁人
21 ( 太9:18-26 路8:40-56 )
耶穌閣坐船過去湖的彼旁岸；伊佇湖邊，有一大陣人聚集倚來。
22 有一個會堂的主管叫做葉魯來，一下看著耶穌就仆佇伊的腳前，
23 懇求伊講：「我的細漢查某子啲欲死啊，請你來給伊按手，醫好，互伊會活。」
24 耶穌就及伊去；有一大陣人嘛挨挨擠擠隨伊去。
25 有一個婦仁人致著血漏病十二年久；
26 伊有互真多醫生看過，受著真多痛苦，閣錢攏開了了，伊的病若無較好，顛倒哪傷重。
27 伊有聽著耶穌的代誌，就擠入去群眾內面，行倚去耶穌的後面，摸伊的衫。
28 伊想講：「我干單摸著伊的衫，病就會好。」
29 伊的血漏隨時止，感覺身軀的病已經好。
30 耶穌隨時知有氣力對伊出去，就越過來，問群眾：「什麼人摸我的衫？」
31 門徒應講：「你看歸陣人啲給你擠，你哪會講『什麼人給我摸』？」
32 耶穌四箍輾轉看一下，愛知什麼人給伊摸。
33 彼個婦仁人知佇伊身上所發生的代誌，驚甲皮皮惙，就趴佇耶穌腳前，將攏總的實情講出來。
34 耶穌給伊講：「查某子，你的信心互你好去啦，平安倒去，你的病已經好啊。」
35 耶穌猶啲講的時，有人對會堂主管的厝來，給葉魯講：「你的查某子已經死去，哪著閣勞煩老師。」
36 耶穌有聽著𪜶講的話，就對會堂主管講：「免驚，只有著信！」
37 伊就導彼得、雅各，及雅各的小弟約翰做夥去，以外准別人隨去。
38 𪜶來到會堂主管的厝，耶穌看著場面真亂，有人啲哮，有人大聲啲哭。
39 伊一下入去就給𪜶講：「恁哪哭甲亂操操？此個囝仔是死去，是啲睏。」
40 𪜶就給伊恥笑，拘伊給𪜶攏趕出去，然後導囝仔的父母及彼三個門徒入去囝仔的房間。
41 伊牽囝仔的手，對伊講：「大利大古米！」意思就是「查某囝仔，我給你講，起來！」
42 查某囝仔隨時𬦰起來行，因為伊已經十二歲。𪜶非常著驚。
43 耶穌嚴嚴警戒𪜶通將此個代誌互人知，閣叫𪜶提物件互查某囝仔食。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。