約翰福音
1
生命之道
宇宙被造以前，道已經存在。道與上帝同在；道是上帝。
O Sakaci'orip a Sowal
I'ayaw no nika sanga' no hkal i, irato: ko Sowal. Malakapot ato Kawas ko Sowal. O Kawas ko Sowal.
2 在太初，道就與上帝同在。
2 Nanisa'ayaw ao malakapotayto ato Kawas konini a Sowal.
3 上帝藉著他創造萬有；在整個創造中，沒有一樣不是藉著他造的。
3 Pakayni i Cingraan ko sakaira no kalomaamaan. Onini a kalomaamaan i, awaay ko caay pakayni i Cingraan a masanga'.
4 道就是生命的根源，這生命把光賜給人類。
4 O tatapangan no 'orip Cingra. O pata^ngaday to tamdaw konini a 'orip.
5 光照射黑暗，黑暗從沒有勝過光。
5 O pata^ngaday to to'man Cingra o likat. Caay pakapadeng to likat ko to'man.
6 有一個人，名叫約翰，是上帝所差遣的使者。
6 Ira ko ccay a niocoran no Kawas a tamdaw. Ci Yohani ko ngangan ningra.
7 他來為那光作證，為要使大家聽見他的信息而信。
7 O pasowalay to pakayniay toya likat ko sakatayni ningra. Ta pakayni i pipasowal ningra ko sapaso'lin no tamdamdaw a ma^min.
8 他本身不是那光，而是要為光作證。
8 Caay koya likat cingra. O papasowal aca to pakayniay toya likat ko nika tayni ningra.
9 那光是真光，來到世上照亮全人類。
9 O so'linay a likat konini a sowal. O tayniay Cingra i hkal a pata^ngad to polong no tamdamdaw.
10 道在世上，上帝藉著他創造世界，而世人竟不認識他。
10 O iraayto i hkal Cingra o Sowal. Pakaynien no Kawas i Cingraan ko nipisanga' to hkal. Nikawrira, caay ka fana' ko tamdamdaw i cingraan.
11 他來到自己的地方，自己的人卻不接受他。
11 Tayni Cingra i kitakit no tireng i, caay pihamham ko finawlan Ningra i Cingraan.
12 然而，凡接受他的，就是信他的人，他就賜給他們特權作上帝的兒女。
12 Nikawrira, o mihamhamay i Cingraan, oya paso'linay a miti'er i Cingraan a tamdamdaw i, mapafli Ningra cangra to sakacitodong a malawawa no Kawas.
13 這樣的人不是由血統關係，不是由人的性慾，也不是由男人的意願生的，而是由上帝生的。
13 O sakanga'ay nangra a malawawa no Kawas i, caay ko nano pakatamdaway a nihofocan. Caay ka matiya o nika ciwawa no tamdaw. O nano Kawas a nihofocan cangra.
14 道成為人，住在我們當中，充滿著恩典和真理。我們看見了他的榮耀，這榮耀正是父親的獨子所當得的。
14 Malatamdawto ko Sowal a mikapot i titaanan a maro'. Pahapinang Cingra to nika so'lin no olah no Kawas i titaanan. Ma'araw niyam ko nika tadamaan Ningra. Tona o dngan a Wawa no Kawas Cingra saka, matini ko nika tadamaan Ningra.
15 約翰為他作證，呼喊說：「關於他，我曾經說過：『他在我以後來，卻比我偉大；因為我出生以前，他已經存在。』」
15 Pasowal ci Yohani to pakayniay Cingraan. Lkal sa cingra a pasowal, “Oya nisowalan ako i'a:yaw toya o aira iikor ako a tayni ko ikakaay ako ko nika tadamaan. Nawhani i'ayaw ako Cingra a ira, yahananay ako i, irato anini,” saan.
16 從他的豐盛裏，我們領受了恩典，而且恩上加恩。
16 O tada sini'adaay Cingra titaanan. Mararid Cingra a mipalmed titaanan. Saka, mapalmed a mapalmed kita.
17 上帝藉著摩西頒佈法律，但恩典和真理是藉著耶穌基督來的。
17 Pakaynien no Kawas ci Mosian ko nipipafli i titaanan to Rikec. Nikawrira, pakaynien Ningra ci Yis Kristoan ko nipipahapinang to so'linay a olah Ningra i titaanan.
18 沒有人見過上帝，只有獨子( 「只有獨子」另有古卷作「只有與上帝相同的獨子」。)，就是跟父親最親密的那一位，把他啟示出來。
18 Awaayho ko paka'araway a tamdaw to Kawas. O itatihiay no Wama a dngan a Wawa no Kawas ko pahapinangay i titaanan to Kawas.
施洗者約翰的信息
19 （ 太 3:1-12 可 1:1-8 路 3:1-18 ）
以下是約翰的見證。當時，耶路撒冷的猶太人派遣祭司和利未人去見約翰，問他：「你是誰？」
O Pipasowal ni Yohani o Paino'ay
19 Ocoren no i Yirusalimay a kakrikridan no Yutaya a tamdaw ko citodongay to ta'ong ato Lifi a tamdaw a patayra i ci Yohanian a papilicay, “O maan kiso?” han a milicay, han nangra.
20 約翰沒有拒絕回答，卻坦白承認說：「我並不是基督。」
20 Caay kilifen ni Yohani cangra. Patalahkal han ningra a somowal, “Caay ko Misiya kako,” han ningra.
21 他們問：「那麼，你是誰？是以利亞嗎？」
約翰回答：「我不是。」
他們又問：「是那位先知嗎？」
他再答：「不是。」
21 Licayen nangra cingra, “Ano hatira i, o maan aca kiso? Ci Iliya haw?” han nangra.
“Caay,” han ningra.
Licayen nangra cingra, “Oya pali'ayaway to sowal no Kawas( 1 “pali'ayaway to sowal no Kawas” – Hinatala ko Israil to paparatoh to nika ira no Misiya.) kiso haw?” han nangra.
“Caay,” han ningra.
22 他們接著說：「請告訴我們，你到底是誰，好讓我們回覆派遣我們來的人。你自己說，你是甚麼人？」
22 Licayen nangra cingra, “Ano hatira i, o maan aca kiso? Paca'ofen kami, ta ira ko sapaca'of niyam toya miocoray i tamiyanan a tamdamdaw. O maan kako sa kiso to tireng iso saw?” han nangra.
23 約翰引先知以賽亞的話回答，說：
我就是在曠野呼喊的聲音：
為主修直他要走的道路！
23 Pasowal sa cingra, “Kako koya nisowalan ni Isaya o pali'ayaway to sowal no Kawas toya,
‘Ira ko ccay a milkalay i kohkohan a somowal,
Songila'en ko malo lalan no Tapang,’ sanay,” han ningra.
24 法利賽人所派來的那些人
24 O Farisay a tamdaw ko miocoray i cangraan.
25 質問約翰：「既然你不是基督，不是以利亞，也不是那位先知，那麼，你為甚麼施洗？」
25 Licayen nangra cingra, “Ano caay ko Misiya kiso, ano caay koya pali'ayaway to sowal no Kawas a tamdaw kiso i, nawiro mipaino' kiso saw?” han nangra.
26 約翰回答：「我用水施洗；但有一位站在你們當中，是你們所不認識的，
26 Paca'of sa ci Yohani, “O nanom ko sapaino' ako. Nikawrira, ira i tamowanan ko ccay a kafokilan namo a tamdaw.
27 他在我以後來，我就是替他脫鞋子也不配。」
27 O iikoray ako aira Cingra. Ano o kaosto no cokap Ningra i, caay ka tatodong kako a mitdal,” han ningra a somowal.
28 這些事發生在約旦河對岸的伯大尼，就是約翰正在施洗的地方。
28 Iti:raw no Yortan a 'alo i Pitani a ira konini a dmak. O pipaino'an ni Yohani konini.
上帝的羔羊
29 第二天，約翰看見耶穌向他走過來，就說：「看哪，上帝的羔羊，除掉世人的罪的！
O Tofor a Siri no Kawas
29 Cilasato a romi'ad i, ma'araw ni Yohani ko nipiraod ni Yis i cingraan. Sowal sa, “Nengnengen, onini koya mamihpol to raraw no tamdamdaw a Tofor a Siri no Kawas.
30 這一位就是我說過『他在我以後來，卻比我偉大；因為我出生以前，他已經存在』的那一位。
30 Onini koya iikoray ako aira, oya ikakaay ako ko nika tadamaan, yahananay ako. Nawhani o iraayto Cingra i'ayaw no nika hofoc ako.
31 我並不認識他；現在我來，用水施洗，為要讓以色列人認識他。」
31 Caayho ka 'araw ako Cingra. Nikawrira, o sapahapinangaw ako a pakafana' i finawlan no Israil to pakayniay i Cingraan. Saka, tayni kako a paino' cangraan,” saan.
32 約翰又見證說：「我看見聖靈像鴿子從天上降下來，落在他身上。
32 Pasowal sa ci Yohani, “Ma'araw ako ko Fangcalay 'Adingo. Matiya o topi ko nika ^pod Ningra nai kakarayan a patfo i Cingraan.
33 我還是不認識他，但是那差遣我用水施洗的上帝對我說：『你看見聖靈降下來，落在誰身上，誰就是那要用聖靈施洗的。』
33 Caayho ka fana' kako tonini a tamdaw itiya. Nikawrira, oya miocoray takowanan a papipaino' a Kawas ko pasowalay i takowanan, ano ma'araw iso ko nika ^pod no Fangcalay 'Adingo a maro' i cimaanan i, orira a tamdaw ko mamipaino' i tamowanan to Fangcalay 'Adingo, saan.
34 我已經看見了，所以向你們證明他就是上帝的兒子。」
34 Ma'arawto ako konini a dmak. Saka, o pasowalay kako i tamowanan to nika o Wawa no Kawas Cingra,” saan.
初次選召門徒
35 過了一天，約翰和他的兩個門徒又在那裏；
O Sa'ayaway a Nisawawaan ni Yis
35 Cilasato a romi'ad yo ira haca ci Yohani ato tatosa a nisawawaan ningra itira i,
36 他看見耶穌經過，就說：「看哪，上帝的羔羊！」
36 Ma'araw ningra ko nika romakat ni Yis a mita'lif. Saka, sowal sa ci Yohani, “Nengnengen, onini koya Tofor a Siri no Kawas,” han ningra.
37 兩個門徒一聽見這話，就跟隨耶穌。
37 Mitngil koya tatosaay a nisawawaan to sowal ni Yohani i, toor sato ci Yisan.
38 耶穌轉身，看見他們跟著，就問：「你們想要甚麼？」
他們回答：「拉比，你住在哪裏？」（「拉比」的意思是「老師」。）
38 Siikor sa ci Yis a minengneng to nipitoor nangra. Ta pasowal sa i cangraan, “O maan ko nilongocan namo?” han Ningra.
Pasowal sa cangra, “Rapi, (o tatodong no Rapi i, Singsi sanay), icowa a milafin Kiso?” han nangra.
39 耶穌說：「你們來看吧！」他們跟他一起去，看到了他住的地方，當天就跟他住在一起。（那時候約下午四點鐘。）
39 Pasowal sa ci Yis i cangraan, “Katayni a minengneng,” han Ningra. Saka, lahaklong sato cangra aci Yis a tayra a minengneng to pilafinan ni Yis. Ta, itira sato cangra toya romi'ad a mikapot ci Yisan. Itiya i, ma^deng spat ko toki to hrek no lahok.
40 聽見約翰的話而跟從耶穌的那兩個人中，有一個是西門‧彼得的弟弟安得烈。
40 O ccay noya tatosaay a mitooray ci Yisan tona mitngil to sowal ni Yohani i, ci Antiri, o safa ni Simon Pitiro.
41 他先去找他的哥哥西門，對他說：「我們已經遇見彌賽亞了。」（「彌賽亞」的意思是「基督」。）
41 Tangsol sa cingra a mikilim to kaka ningra ci Simon. “Malitmoh niyam ko Misiya,” han ningra a pasowal. (O tatodong no Misiya i, o Kristo sanay).
42 於是他帶西門去見耶穌。
耶穌注視著他，說：「你是約翰的兒子西門，你的名要叫磯法。」（磯法和彼得同義，意思是「磐石」。）
42 Kriden ningra ci Simon a patayra i ci Yisan.
Pamotek han ni Yis cingra a minengneng. Sowal sa, “O wawa ni Yohani ci Simon kiso. Ci Kifas wa hanto kiso,” han Ningra. (O tatodong no Kifas i, ci Pitiro o 'ongcoy sanay.)
呼召腓力和拿但業
43 過了一天，耶穌決定到加利利省去。他遇見腓力，對他說：「來跟從我！」（
O Pitahidang ci Filipan aci Natanailan
43 Cilasato a romi'ad i, yo tatayra ci Yis i Kalili i, malitmoh Ningra ci Filip. “Pitoor i Takowanan,” han Ningra.
44 腓力是伯賽大人，跟安得烈和彼得同鄉。）
44 (O Pisayta a tamdaw ci Filip. O niyaro' na Antiri aci Pitiro ko niyaro' ningra.)
45 腓力找到拿但業，對他說：「摩西在法律書上所寫和先知們所記載的那一位，我們已經遇見了。他就是約瑟的兒子，拿撒勒人耶穌。」
45 Malitmoh ni Filip ci Natanail. Sowal sa, “Malitmoh niyam ko ccay a tamdaw, oya nisowalan ni Mosi i nitilidan a Rikec ato nisowalan no pali'ayaway to sowal no Kawas a tamdaw i cudad nangra. Ci Yis o Nacali a tamdaw o wawa ni Yosif cingra,” han ningra.
46 拿但業就問：「拿撒勒會出甚麼好的嗎？」
腓力說：「你來看吧！」
46 Pasowal sa ci Natanail i cingraan, “Ira ko maan to nga'ayay a dmak i Nacali a niyaro' saw?” han ningra.
Pasowal sa ci Filip, “Katayni a minengneng,” han ningra.
47 當耶穌看見拿但業向他走過來，就說：「看，他是個地道的以色列人；他心裏毫無詭詐！」
47 Ma'araw ni Yis ko nipiraod ni Natanail i Cingraan saka, sowal sa ci Yis to pakayniay i cingraan, “Onini ko tadaso'linay a Israil a tamdaw. Awaay ko mangah i faloco' ningra,” saan.
48 拿但業問他：「你怎麼認識我呢？」
耶穌回答：「當你在無花果樹下，腓力還沒有招呼你，我已經看見你了。」
拿但業說：
48 Pasowal sa ci Natanail i ci Yisan, “Nawiro mafana' kiso i takowanan saw?” han ningra.
Paca'of sa ci Yis, “I'ayaw no nipitahidang ni Filip i tisowanan i, ma'arawto Ako kiso itira i kala^no no sokon a kilang,” han Ningra.
49 「老師，你是上帝的兒子；你是以色列的君王！」
49 Paca'of sa ci Natanail, “Singsiaw, o Wawa no Kawas Kiso. O hongti no Israil Kiso,” han ningra.
50 耶穌說：「因為我告訴你，我看見你在無花果樹下，你就信了嗎？你要看見比這更大的事呢！」
50 Pasowal sa ci Yis, “Ma'araw Ako kiso i kala^no no sokon a kilang, han Ako kiso saka, paso'lin kiso saw? O mama'araw iso ko ikakaay nonini a dmak,” han Ningra.
51 又對他們說：「我鄭重地告訴你們，你們要看見天敞開，上帝的天使在人子身上，上下往來。」
51 Pasowal sa ci Yis i cangraan, “So'linen Ako a somowal kamo, o mama'araw namo ko nika fawah no kakarayan ato nika cokacok ato nika loklon no coyoh no Kawas itira toya nai kakarayanay a Tamdaw,” han Ningra.
上一章 下一章 [ 條列 | 表格 | 整段 ]