| 章節 | 台語漢字本聖經 請按此下載安裝Open Han 2024版字型，免得漏掉造字 | 現代台語漢字2013版經文 |
| 6:1 | 所羅門起造聖殿 以色列人出埃及地了後四百八十年，所羅門做以色列王第四年西弗月，就是二月，動工起耶和華的殿。 | 無經文 |
| 6:2 | 所羅門王為耶和華所起的殿，長六十肘，闊二十肘，高三十肘。 | 無經文 |
| 6:3 | 彼塊厝殿前的廊長二十肘，及伊的厝的闊平，佇厝的頭前伊的闊十肘； | 無經文 |
| 6:4 | 閣為著厝做窗，有關死的窗仔子。 | 無經文 |
| 6:5 | 倚佇厝的牆，四圍起樓，就是倚佇厝的牆的四圍，前殿後殿攏是按呢，起邊房佇四圍； | 無經文 |
| 6:6 | 樓的下層闊五肘，中層闊六肘，三層闊七肘。佇厝的外面做幫牆佇伊的四圍，互楹仔無插入殿的牆。 | 無經文 |
| 6:7 | 殿啲起的時，是用山中拍好的石。起殿的時，鎚、斧頭，及別號鐵器的聲音攏無聽見。 | 無經文 |
| 6:8 | 邊仔中房的門，就是佇殿的正旁，對捲螺梯上中層，對中層上到第三層。 | 無經文 |
| 6:9 | 對按呢起殿到好，就用柏香柴的楹，柏香柴的板遮蓋殿。 | 無經文 |
| 6:10 | 閣倚佇歸間的殿有起樓，各高五肘，諸個攏用柏香柴靠佇殿裡。 | 無經文 |
| 6:11 | 耶和華的約 耶和華的話臨到所羅門講： | 無經文 |
| 6:12 | 「論到你所起此間殿，你若行我的律例，趁我的法度，守我一切的誡命，照按呢行，我就欲照我所應允你的父大衛的話應驗佇你。 | 無經文 |
| 6:13 | 我欲𫢶佇以色列人的中間，也無放拺我的百姓以色列。」 | 無經文 |
| 6:14 | 殿內的設備 ( 代下 3:8-14 ) 所羅門起殿已經明白。 | 無經文 |
| 6:15 | 用柏香柴的板起做殿的內重牆，對殿的土腳到楹仔，攏用柴蓋伊的內重，閣用松樹板舖殿的土腳。 | 無經文 |
| 6:16 | 閣佇殿的後面，用柏香柴板起二十肘，對土腳到楹仔給伊做佇內面做後殿，就是至聖所。 | 無經文 |
| 6:17 | 後殿前的殿，深四十肘。 | 無經文 |
| 6:18 | 殿內的柏香柴攏有刻匏仔及花蕊；殿內攏是柏香柴，無看見一塊石。 | 無經文 |
| 6:19 | 厝的內面有備辦後殿，欲佇遐安置耶和華的約櫃。 | 無經文 |
| 6:20 | 後殿的內面長二十肘，闊二十肘，高二十肘，攏用好金安伊；也用柏香柴蓋壇。 | 無經文 |
| 6:21 | 厝內所羅門攏用好金安伊，後殿的頭前牽金鍊仔，也用好金安伊。 | 無經文 |
| 6:22 | 全殿攏安金，到彼間殿攏起好；倚佇後殿的壇，也攏安金。 | 無經文 |
| 6:23 | 做二個𠼻𡀔兵 佇後殿的內面，伊用橄欖柴做二個𠼻𡀔兵，逐個高十肘。 | 無經文 |
| 6:24 | 𠼻𡀔兵此旁的翅五肘，𠼻𡀔兵彼旁的翅五肘，對此旁的翅尾到彼旁的翅尾共十肘； | 無經文 |
| 6:25 | 彼個𠼻𡀔兵也是十肘，二個𠼻𡀔兵的寸尺、款式攏相同。 | 無經文 |
| 6:26 | 此個𠼻𡀔兵高十肘，彼個𠼻𡀔兵也是按呢。 | 無經文 |
| 6:27 | 將𠼻𡀔兵下佇後殿的內面；𠼻𡀔兵的翅展開，此個𠼻𡀔兵一個翅到此旁的牆，彼個𠼻𡀔兵一個翅到彼旁的牆，佇殿內𪜶二個翅相接； | 無經文 |
| 6:28 | 伊閣用金安許個𠼻𡀔兵。 | 無經文 |
| 6:29 | 殿的妝飾 彼個殿四圍的牆，內外攏有雕刻，就是雕刻𠼻𡀔兵、棗樹，及花蕊的款式。 | 無經文 |
| 6:30 | 殿的地板，內外攏安金。 | 無經文 |
| 6:31 | 閣用橄欖柴做入後殿的門、伊的門楣、門竪；鎮牆的五份一。 | 無經文 |
| 6:32 | 用橄欖柴所造二個門扇頂面刻𠼻𡀔兵、棗樹，及花蕊的款式，攏安金，閣用金鑲𠼻𡀔兵及棗樹的頂面。 | 無經文 |
| 6:33 | 閣用橄欖柴做入殿的門竪，鎮牆的四份一。 | 無經文 |
| 6:34 | 用松樹柴做雙旁的門扇。此旁門的二扇，會拗得；彼旁門的二扇，也會拗得。 | 無經文 |
| 6:35 | 頂面刻𠼻𡀔兵、棗樹，及花蕊的款式，攏安金，閣用金鑲佇雕刻的工的頂面。 | 無經文 |
| 6:36 | 伊閣用拍好的石三勻、柏香柴一勻來起內院。 | 無經文 |
| 6:37 | 第四年西弗月，下耶和華殿的地基。 | 無經文 |
| 6:38 | 到十一年布勒月，就是八月，殿堂所有一切照伊的款式造成。伊起造共七年久。 | 無經文 |