| 章節 | 台語漢字本聖經 請按此下載安裝Open Han 2024版字型，免得漏掉造字 |
| 7:1 | 所疼的兄弟啊，既然有諸個應允，咱著清氣本身，除去一切肉體、及神的垃墋，驚畏上帝，來完全成聖。 |
| 7:2 | 保羅為教會悔改來歡喜 著開闊恁的心來接納阮。阮未曾剋虧人，未曾損壞人，未曾偏人。 |
| 7:3 | 我講按呢，是欲責罪恁。因為我已經有講，恁佇阮的心頭，同死同活。 |
| 7:4 | 我向佇恁大好膽，我為著恁大誇口，我滿心得著安慰；佇阮一切患難中我有格外的歡喜。 |
| 7:5 | 因為阮來到馬其頓的時，阮的肉體攏無平安，凡事抵著患難，外面有相爭，內面有驚。 |
| 7:6 | 總是安慰卑微的人的，就是上帝用提多到來安慰阮； |
| 7:7 | 若用伊到，也是用伊對恁所受的安慰，來安慰阮；因為伊將恁的戀慕、恁的哀傷，恁向佇我的熱心，給阮講，致到我益發歡喜。 |
| 7:8 | 我曾用批互恁煩惱，前雖然有過心，今就無啦；因為我看彼張批互恁煩惱的不過是暫時。 |
| 7:9 | 今我歡喜，是因為恁煩惱，是因為恁有對煩惱致到反悔。因為恁煩惱是順上帝，互恁無一項對阮受剋虧。 |
| 7:10 | 因為順上帝的煩惱生出反悔，致到得著救，無有後來的退悔；若是世間的煩惱是致到死。 |
| 7:11 | 因為恁看，恁此個順上帝的煩惱，佇恁有生出偌大的殷勤、怎樣的家己分訴、怎樣的怨慼、怎樣的驚惶、怎樣的戀慕、怎樣的熱心、怎樣的責罰。恁佇此層事，已經逐項表明家己是清氣。 |
| 7:12 | 我前雖罔寫批互恁，是為著彼個剋虧人的，也是為著彼個受剋虧的，是欲互恁為著阮的殷勤佇上帝的面前對恁顯明。 |
| 7:13 | 所以，阮已經受安慰。 閣佇安慰中，因為提多的歡喜就阮的歡喜益發充滿，因為伊的心對恁眾人來得著安息。 |
| 7:14 | 我若曾對伊誇口恁甚麼代誌，也就無見誚；因為阮對提多所誇口恁的話是真實，親像阮對恁所講的話也攏是真實。 |
| 7:15 | 閣伊記念恁攏順服，用驚惶愕愕惙接納伊，就伊的心益發向佇恁。 |
| 7:16 | 今我歡喜，因為論到恁，我凡事會放心得。 |