| 章節 | 台語漢字本聖經 請按此下載安裝Open Han 2024版字型，免得漏掉造字 |
| 16:1 | 提摩太及保羅、西拉同工 保羅到特庇，閣到路司得。抵當佇遐有一個學生，名提摩太，伊的老母是猶太信的婦仁人，伊的老父是希利尼人。 |
| 16:2 | 伊互路司得、以哥念諸個兄弟所謳咾。 |
| 16:3 | 保羅愛此人及伊去，為著許個所在的猶太人，就給伊行割禮，因為𪜶攏知伊的老父是希利尼人。 |
| 16:4 | 𪜶經過諸個城的時，將耶路撒冷使徒、長老所定著的命令傳互𪜶守。 |
| 16:5 | 對按呢諸個教會信愈堅固，人額日日加添。 |
| 16:6 | 保羅看見馬其頓人的異象 𪜶經過弗呂家、加拉太的地方，因為聖神曾禁𪜶傳道理佇亞西亞。 |
| 16:7 | 就行到每西亞的邊界，想欲去庇推尼，耶穌的神准。 |
| 16:8 | 就對每西亞經過，落到特羅亞。 |
| 16:9 | 保羅暝時看見異象。有一個馬其頓人徛啲求伊講：「請過來馬其頓幫助阮。」 |
| 16:10 | 保羅已經看見異象，阮諸個連鞭意愛欲去馬其頓，掠做是上帝召阮傳福音互𪜶。 |
| 16:11 | 呂底亞歸主 所以對特羅亞搭船，直直到撒摩特喇，隔日到尼亞坡里。 |
| 16:12 | 對遐到腓立比，就是馬其頓彼地頭一個城，也是羅馬人分設的城。阮佇此個城𫢶幾若日。 |
| 16:13 | 佇安息日，出城門外，到河邊，拍算佇遐有祈禱的所在，就坐啲及所聚集的婦仁人談論。 |
| 16:14 | 有一個賣紫色布的婦仁人，名呂底亞來聽，伊是推雅推喇城的人，平素敬拜上帝。主開伊的心，互伊專向保羅所講的話。 |
| 16:15 | 伊及伊的家已經受洗禮，就求阮講：「若掠我做真實信主的人，請到我的家住」；就強強留阮。 |
| 16:16 | 佇腓立比受掠 後來，阮去祈禱的所在。有一個女婢抵著阮，伊互卜卦的神上身，平素用卜卦互許個主人大趁錢。 |
| 16:17 | 伊隨保羅及阮，叫講：「諸個人就是至高上帝的奴僕，用拯救的路傳互恁。」 |
| 16:18 | 伊多多日按呢行，保羅真厭恨，越轉身給彼個神講：「我託耶穌基督的名，命令你對伊出去！」神即時出去。 |
| 16:19 | 伊許個主人看見趁錢的向望已經失落，就掠保羅、西拉，拖𪜶入街市去見有司官；閣解送到上司官講： |
| 16:20 | 「諸個人是猶太人，大攪擾咱的城， |
| 16:21 | 傳咱羅馬人所應該守應該行的規例。」 |
| 16:22 | 眾人歸群起來攻擊𪜶。上司官剝𪜶的衫，命令用棍拍𪜶； |
| 16:23 | 拍真多下，就關𪜶落監，吩咐顧監的嚴謹顧守。 |
| 16:24 | 顧監的受此號命令，就關𪜶落內庭監，楗𪜶的腳佇柴楗裡。 |
| 16:25 | 若是半暝，保羅、西拉祈禱，吟詩謳咾上帝，關佇監裡的人也注意啲聽。 |
| 16:26 | 忽然，地大動，致到監的地基攏搖動，諸個門也連鞭攏開，眾人的刑具一盡落。 |
| 16:27 | 顧監的人醒，看見監門開，拍算監囚攏已經逃走，就拔刀欲家己刣。 |
| 16:28 | 若是保羅大聲叫講：「莫得家己傷害！阮攏佇遮。」 |
| 16:29 | 顧監的人叫人攑火來，跳入去，愕愕惙仆佇保羅、西拉的面前； |
| 16:30 | 導𪜶出來，講：「先生啊，我著怎樣做才會得著救？」 |
| 16:31 | 應講：「著信主耶穌，你就得著救以及你的家。」 |
| 16:32 | 就用主的道理講互伊及伊家內攏總的人聽。 |
| 16:33 | 佇彼暝，彼時，顧監的人導𪜶去，洗𪜶的傷；伊及全家的人即時攏受洗禮。 |
| 16:34 | 導𪜶上伊的厝，備辦互𪜶食。已經信上帝，就及通家大歡喜。 |
| 16:35 | 到天光，上司官差衙役來，講：「放許個人。」 |
| 16:36 | 顧監的將諸個話給保羅講：「上司官差人來欲放恁，今通出來，安然去。」 |
| 16:37 | 若是保羅給許個人講：「阮是羅馬人，未審問，就公刑拍阮，閣關阮落監，今欲暗靜趕阮出嗎？的確𣍐做得，著𪜶親身來導阮出！」 |
| 16:38 | 衙役將諸個話回覆上司官。上司官聽見𪜶是羅馬人，就驚， |
| 16:39 | 才來苦勸𪜶，導𪜶出，請𪜶離開彼個城。 |
| 16:40 | 𪜶出監，入呂底亞的厝，已經見著諸個兄弟，就苦勸𪜶，才離開遐。 |