| 章節 | 台語漢字本聖經 請按此下載安裝Open Han 2024版字型，免得漏掉造字 |
| 15:1 | 耶路撒冷會議 有幾若人對猶太落來，教示兄弟講：「若無遵趁摩西的律例受割禮，就恁𣍐得著救。」 |
| 15:2 | 保羅、巴拿巴已經及𪜶大相爭辯論；兄弟就派保羅、巴拿巴及𪜶中間另外幾若人，將所辯論的事，上耶路撒冷見使徒及長老。 |
| 15:3 | 對按呢教會送𪜶起身。𪜶就經過腓尼基、撒瑪利亞，講起外邦人的歸正，互眾兄弟大歡喜。 |
| 15:4 | 到耶路撒冷，互教會及使徒長老接納𪜶，就講起上帝所及𪜶行一切的事。 |
| 15:5 | 若是有幾若個信徒，屬法利賽黨的，起來講：「的確著給𪜶行割禮，命令𪜶守摩西的律法。」 |
| 15:6 | 使徒長老聚集參詳此節事； |
| 15:7 | 已經辯論久久，彼得就起來，對𪜶講：「列位兄弟啊，恁攏知早上帝佇恁中間揀我，互外邦人對我的嘴聽見福音的道理，來信。 |
| 15:8 | 閣識人的心的上帝給𪜶做干證，用聖神賞賜𪜶，親像賞賜咱一樣； |
| 15:9 | 無分別𪜶及咱，是用信清氣𪜶的心。 |
| 15:10 | 今啥事試上帝，用咱的祖及咱所𣍐背的擔下佇學生的頷頸啊？ |
| 15:11 | 咱是對主耶穌的恩得救，親像𪜶一樣，這是咱所信。」 |
| 15:12 | 眾人攏靜靜，聽巴拿巴、保羅講起上帝用𪜶佇外邦人的中間所行諸個神蹟奇事。 |
| 15:13 | 講息，雅各就應講：「列位兄弟啊，請聽我講。 |
| 15:14 | 西面已經講起上帝起頭怎樣眷顧外邦人，對𪜶中間取百姓來歸佇伊的名； |
| 15:15 | 諸個先知的話也及此個事相合。 |
| 15:16 | 親像所記載講：
諸個代誌了後，我欲倒轉來， 閣起大衛倒落去的布棚， 欲閣起許個破壞的來建立伊， |
| 15:17 | 互其餘的百姓，
及見若奉我的名的外邦人， 攏尋主。 |
| 15:18 | 諸個話是對世間的起頭顯明諸個代誌的主所講的。 |
| 15:19 | 「所以我拍算，外邦人歸主的通攪擾伊； |
| 15:20 | 獨獨寫批，吩咐𪜶禁戒偶像的污穢及淫亂，及食勒死的物及血。 |
| 15:21 | 因為對早以來，佇逐個城有傳摩西的冊，就是逐個安息日，佇會堂所讀的。」 |
| 15:22 | 會議的回批 彼時，使徒長老及通教會決意對𪜶中間揀人，就是稱做巴撒巴的猶大及西拉。此二人就是兄弟中出擢的。差𪜶及保羅、巴拿巴同去安提阿。 |
| 15:23 | 用批交代𪜶的手，講：「使徒及諸個老兄弟請安𫢶佇安提阿、敘利亞、基利家外邦中諸個兄弟。 |
| 15:24 | 因為聽見，幾若人對阮中間出去，用話攪擾恁，拍亂恁的心。其實是阮所命令的。 |
| 15:25 | 阮諸個已經同心決意，揀人，差伊及阮所疼的巴拿巴、保羅就近恁。 |
| 15:26 | 此二人是為著咱的主耶穌基督的名無惜生命的。 |
| 15:27 | 所以差猶大及西拉，𪜶也欲親嘴講起諸個事。 |
| 15:28 | 因為聖神及阮決意除此幾項要緊的事以外，無用重擔下佇恁的身， |
| 15:29 | 就是禁戒祭偶像的物及血，及勒死的物及淫亂。恁若禁戒諸個就會亨通。願恁平安！」 |
| 15:30 | 𪜶奉差，就落去安提阿，已經聚集眾人，就將批交𪜶。 |
| 15:31 | 眾人讀了，歡喜許個安慰的話。 |
| 15:32 | 猶大、西拉本身也是先知，用多多話安慰兄弟，來堅固𪜶。 |
| 15:33 | 𫢶遐有許久，兄弟就互𪜶平安倒去就近差𪜶的。 |
| 15:35 | 若是保羅、巴拿巴𫢶佇安提阿，及多多別人相及教示人，傳主福音的道理。 |
| 15:36 | 保羅及巴拿巴分手 過幾若日，保羅對巴拿巴講：「咱著閣去前傳主的道理的逐個城，看兄弟怎樣。」 |
| 15:37 | 巴拿巴愛欲帶約翰名馬可的相及去； |
| 15:38 | 獨獨保羅拍算帶伊去是無合，因為伊佇旁非利亞曾離開𪜶，無及𪜶去做工。 |
| 15:39 | 就相激，致到大家分開。巴拿巴帶馬可搭船去居比路； |
| 15:40 | 保羅揀西拉相及去，兄弟將伊交託佇主的恩。 |
| 15:41 | 伊遍行敘利亞、基利家，堅固諸個教會。 |