上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
士師記
陀拉
10:1 亞比米勒了後，有以薩迦人朵多的孫、普瓦的子陀拉起來，拯救以色列人。伊𫢶佇以法蓮山地的沙密。
10:2 伊做以色列的士師二十三年，就死，埋葬佇沙密。
睚珥
10:3 伊了後有基列人睚珥起來，做以色列的士師二十二年。
10:4 伊有三十個子，騎三十隻的驢仔。𪜶有三十座城，名叫哈倭特‧睚珥，到今仔日，攏是佇基列地。
10:5 睚珥死，就埋葬佇加們。
耶弗他
10:6 以色列人閣行耶和華所看做歹的事，去服事諸個巴力及亞斯他錄，以及亞蘭的上帝、西頓許個上帝、摩押的上帝、亞捫人的上帝、非利士人的上帝，棄拺耶和華，無服事伊。
10:7 耶和華受氣以色列人，賣𪜶佇非利士人的手及亞捫人的手。
10:8 𪜶對彼年，擾亂壓制以色列人十八年，就是佇約但彼旁、眾以色列人徛起佇亞摩利人的地就是佇基列的。
10:9 亞捫人閣過約但河去攻擊猶大、便雅憫、以法蓮族。以色列人就盡在窘迫。
10:10 以色列人哀求耶和華講：「阮得罪你；因為有棄拺阮的上帝，去服事諸個巴力。」
10:11 耶和華對以色列人講：「我豈無救恁脫離埃及人、亞摩利人、亞捫人、及非利士人嗎？
10:12 西頓人、亞瑪力人、馬雲人，也攏壓制恁；恁哀求我，我也拯救恁脫離𪜶的手。
10:13 恁竟然放拺我，服事別個上帝！所以我無閣救恁。
10:14 恁去哀求恁所揀的上帝；恁抵著患難的時，通互𪜶救恁！」
10:15 以色列人對耶和華講：「阮犯罪啦，出在你的意思款待阮！獨獨求你今仔日救阮。」
10:16 𪜶就對𪜶中間除去外邦的上帝，服事耶和華。耶和華的心因為以色列人的艱苦，就憂悶。
10:17 當彼時亞捫人聚集，紮營佇基列。以色列人也聚集，紮營佇米斯巴。
10:18 基列的百姓及眾首領大家相及議論講：「是誰會代先去攻擊亞捫人，彼人欲做基列眾百姓的頭人。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。