上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
提摩太前書
請安
1:1 保羅做基督耶穌的使徒，照救咱的上帝及互咱有向望的基督耶穌所命令的，
1:2 批寄互提摩太，就是佇信做我真的子的。願你對父上帝及咱的主基督耶穌得著恩典、憐憫、平安！
警告虛假的道理
1:3 我去馬其頓的時，曾勸你猶原住以弗所，互你通吩咐幾若人莫得傳別號的教，
1:4 也莫得愛聽無影跡的話及無窮盡的族譜；凡若此號是生出辯論，是互上帝佇信所安排的得著成。
1:5 若是誡命的宗旨是仁愛；此個仁愛是對清氣的心及無通責備的良心，及無假的信生出。
1:6 有人失落諸個，反轉向浮漂的談論，
1:7 𪜶愛做教法師，也𣍐曉得家己所講的，以及所集的言論是為著甚麼。
1:8 咱知律法是好，獨獨人著合法來用伊；
1:9 也著知律法的設立是為著義的人，就是為著不法及無順服的，無敬虔及犯罪的，無聖潔及粗俗的，拍死父拍死母的，刣死人的，
1:10 行淫的，好男色的，做販俏的，講白賊的，濫糝咒誓的，抑是有甚麼別項逆正教的事。
1:11 這是照大福氣的上帝交託我榮光的福音所講的。
感謝上帝的憐憫
1:12 我感謝互我有氣力的就是咱的主基督耶穌，因為伊掠我做盡忠，設立我做差用。
1:13 我前是謗瀆的，窘逐的，侮慢的；總是我此號所做是出佇知信，才得著憐憫。
1:14 閣咱的主的恩典是格外豐盛，互我佇基督耶穌有信有疼的心。
1:15 有一句話通信，通齊全接納的，就是「基督耶穌臨到世間，欲救有罪的人。」其中我是第一歹。
1:16 若是我得著憐憫，是因為耶穌基督欲佇我第一歹的人顯明伊一切的吞愞，來做後來信靠伊得著永活的人的模樣。
1:17 願尊貴、榮光歸佇𣍐毀壞、看𣍐著、萬世代的王、獨一的上帝，到代代無盡。阿們！
1:18 我的子提摩太啊，我照前所論到你的讖語，將此個誡命交託你，互你用諸個讖語來爭戰彼個好的爭戰。
1:19 著存信及無通責備的良心，有人放拺此個，論到信𪜶就失落伊，親像摃破船。
1:20 其中有許米乃及亞力山大；我已經將𪜶交互撒但，互𪜶受警戒通誹謗。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。