上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
離婚的問題
19:1 ( 可 10:1-12 )
耶穌講諸個話息，就離開加利利，到猶太的境內，約但河外。
19:2 有歸大陣的人隨伊，就佇遐醫好𪜶。
19:3 有法利賽人來試伊，講：「人不論甚麼緣故通離伊的某嗎？」
19:4 就應講：「恁豈無讀著，創造的主，源起頭創造𪜶有男有女，
19:5 續講：『因為按呢，人欲離開父母，結聯伊的某，二個欲成做一體。』
19:6 親像按呢，無閣做二個，是做一體。
19:7 所以，上帝所配合的，人通分開伊。」𪜶給伊講：「若是按呢，摩西怎樣吩咐用離書互伊，來離伊啊？」
19:8 伊給𪜶講：「摩西因為恁的心硬，准恁離某，若是對起頭是按呢。
19:9 閣我給恁講，見若人是為著姦淫的緣故，離伊的某來娶別個，就是行淫；娶人所離出的，也是行淫。」
19:10 學生給伊講：「人及伊的某的事既然是按呢，寧可無娶。」
19:11 伊就給𪜶講：「此號話是眾人所會承受的，只有得著賞賜的，才會。
19:12 因為有閹的，對母胎出世就按呢，也有互人閹的，也有為著天國家己閹的。會承受的著承受伊。」
耶穌給細子祝福
19:13 ( 可 10:13-16 路 18:15-17 )
彼時，有人導細子就近伊，愛伊用手按𪜶來祈禱，學生責備𪜶。
19:14 若是耶穌講：「容允細子就近我，莫得禁伊；因為天國，是屬佇此號的。」
19:15 就用手按𪜶，離開遐去。
少年財主
19:16 ( 可 10:17-31 路 18:18-30 )
抵當有一人就近伊，講：「先生，我著行甚麼好通得著永活？」
19:17 伊給伊講：「你怎樣提起好來問我？好的是一個。總是你若愛入佇活，著守諸個誡命。」
19:18 伊給伊講：「是甚麼的？」耶穌講：「莫得刣死人；莫得行淫；莫得偷提；莫得濫糝做干證；
19:19 敬你的父母；著疼你的厝邊親像家己。」
19:20 少年人給伊講：「諸個我攏有守伊，猶久欠甚麼？」
19:21 耶穌給伊講：「你若愛做完全，著去賣你所有的，來互喪鄉人，就有財寶佇天裡；閣來隨我。」
19:22 少年人聽見這話，憂悶就去，因為伊產業真多。
19:23 耶穌就給伊的學生講：「我實在給恁講，富人入天國啊！
19:24 我閣給恁講，駱駝穿過針鼻，比富人入上帝的國卡快！」
19:25 學生聽見大卬愕講：「若是按呢就是誰會得著救啊？」
19:26 耶穌看𪜶，講：「在佇人是𣍐會，在佇上帝萬事攏會。」
19:27 彼時彼得應伊講：「阮曾放拺一切來隨你，阮欲得著甚麼啊？」
19:28 耶穌給𪜶講：「我實在給恁講，恁諸個隨我，到閣興起的時，人子坐伊榮光的座位，恁也欲坐十二個座位，來審判以色列十二個支派。
19:29 見若為著我的名放拺厝宅，抑是兄弟、姊妹、老父、老母、子兒，抑是田園，欲得著百倍，來承接永活。
19:30 總是，代先的多多，欲做路尾；路尾的，欲做代先。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。