上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
天國最大的人
18:1 ( 可 9:33-37 路 9:46-48 )
當彼時，學生就近耶穌講：「佇天國甚麼人最大？」
18:2 耶穌就叫一個細漢囝仔，互伊徛佇𪜶中間，
18:3 講：「我實在給恁講，恁若無越轉，來成做親像細漢囝仔的，決斷𣍐入天國。
18:4 所以見若家己謙卑親像此個細漢囝仔的，伊佇天國就是最大。
18:5 見若佇我的名接納此號細漢囝仔的一個，就是接納我。」
罪的誘惑
18:6 ( 可 9:42-48 路 17:1-2 )
「見若互諸個信我的微小的一個受塞礙，彼人寧可有大石磨吊伊的頷頸，沈佇深海。
18:7 此世間有災禍啊，對有塞礙人的事；因為塞礙的事𣍐免得有，總是塞礙的事對是誰來，彼人有災禍！
18:8 設使你一手、一腳，塞礙你，就著斬㧒擲。你破相，抑是跛腳，入佇活是好，卡得二手二腳㧒落永遠的火。
18:9 設使你一目塞礙你，就著挖㧒擲。你一目入佇活是好，卡得二目㧒落地獄的火。」
迷羊的譬喻
18:10 ( 路 15:3-7 )
「恁著謹慎，莫得看輕諸個微細中的一個；因為我給恁講，𪜶的天使佇天裡，常常見我佇天裡的父的面。
18:12 恁拍算怎樣？人若有一百隻羊來拍見一隻，豈無且放下彼九十九隻，去山裡尋彼隻拍見的嗎？
18:13 若果然尋著，我實在給恁講，伊為著彼隻歡喜，贏過九十九隻無拍見的！
18:14 按呢諸個微細中的一個沈淪，也是恁佇天裡的父的旨意。」
怎樣對待得罪你的兄弟
18:15 「設使你的兄弟得罪你，就著去，干單你及伊佇啲的時，指明伊的著。伊若聽你，就得著你的兄弟；
18:16 伊若聽，就著導一二人相及去，用二三人的嘴做干證，逐句話通做憑準。
18:17 若肯聽𪜶，就給教會講；若閣肯聽教會，就著看伊親像外邦人及抽餉的一樣。
18:18 「我實在給恁講，凡若恁佇地裡縛的，佇天裡也欲縛𪜶；凡若恁佇地裡解的，佇天裡也欲解𪜶。
18:19 我閣給恁講，設使恁中間二人佇地裡無論求甚麼，若是同心，就我佇天裡的父欲給𪜶做成。
18:20 因為不論甚麼所在，有二三人佇我的名聚集，我也佇𪜶中間。」
赦免人的歹奴僕
18:21 彼時，彼得倚來，給伊講：「主啊，我的兄弟得罪我，我赦免伊著幾擺？著七擺嗎？」
18:22 耶穌給伊講：「我無給你講著到七擺，就是到七十個七擺。
18:23 所以天國比並人君愛欲及伊的奴僕算數。
18:24 起頭算的時，有導一個欠伊千萬銀的來。
18:25 既然無通還，伊的主人命令著賣伊本身及伊的某子，連伊一切所有的來還。
18:26 彼個奴僕就仆啲拜伊，講：『主啊，著寬容我，我欲攏總還。』
18:27 奴僕的主人就憐憫，來放伊，閣赦免伊的債。
18:28 「彼個奴僕出去，抵著伊一個同做奴僕的欠伊一百個銀仔，就掠伊，叉伊的頷頸，講：『你所欠的著還！』
18:29 同做奴僕的仆啲求伊，講：『著寬容我，我欲還你。』
18:30 若是伊肯，就去給伊關落監，來聽候伊還所欠的。
18:31 諸個同做奴僕的看見此個代誌真憂悶，將攏總的事對主人講明。
18:32 對按呢伊的主人召伊來，給伊講：『歹的奴僕啊！因為你對我求，我就將你所欠的攏赦免，
18:33 你豈著憐憫你同做奴僕的，親像我憐憫你？』
18:34 伊的主人受氣，將伊交代刑杖，聽候伊一盡還所欠的。
18:35 按呢恁逐人無用心赦免恁的兄弟，就我的天父也欲按呢款待恁。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。