上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
耶穌改變形狀
17:1 ( 可 9:2-13 路 9:28-36 )
過六日，耶穌另外帶彼得、雅各，及雅各的兄弟約翰，導𪜶絔上高山，
17:2 當𪜶的面前形狀變換，伊的面光映映親像日，伊的衫白親像光。
17:3 忽然，有摩西、以利亞對𪜶顯現，及伊講話。
17:4 彼得應耶穌講：「主啊，咱佇遮真好！你若愛，我欲佇遮搭三間寮仔，一間互你，一間互摩西，一間互以利亞。」
17:5 伊猶啲講話的時，忽然有光光的雲罩𪜶，閣有聲對雲裡出，講：「此個是我疼的子，我所歡喜的。恁著聽伊！」
17:6 學生聽見，就仆落去，盡在驚。
17:7 耶穌進前，摸𪜶，講：「起來，莫得驚！」
17:8 𪜶攑目無看見一人，只有耶穌若定。
17:9 落山的時，耶穌命令𪜶講：「人子猶未對死人中復活，莫得用所看見的給人講。」
17:10 伊的學生問伊講：「按呢就經學士講以利亞著先來，是怎樣？」
17:11 伊應講：「以利亞果然來，欲興起萬項事；
17:12 若是我給恁講，以利亞已經來，也𪜶識伊，照𪜶所愛來款待伊。親像按呢人子亦欲受𪜶的陷害。」
17:13 學生才會曉得伊所給𪜶講的，是指行洗禮約翰。
醫好互鬼附身的囝仔
17:14 ( 可 9:14-29 路 9:37-43 )
已經到眾人遐，有一人就近伊，跪伊，
17:15 講：「主啊，憐憫我的子！因為伊羊眩真艱苦，沓沓跋落火，沓沓跋落水。
17:16 我導伊就近你的學生，𪜶𣍐會醫好伊。」
17:17 耶穌應講：「嗐啊！信閣悖逆的世代啊，我欲及恁住偌久？我欲吞愞恁偌久？帶伊來遮就近我！」
17:18 耶穌責備鬼，鬼就對伊出；對彼一時囝仔就好。
17:19 彼時學生暗靜就近耶穌，講：「阮怎樣𣍐趕伊？」
17:20 伊給𪜶講：「是為著恁的小信。我實在給恁講，恁若有信，親像一粒芥菜子，恁就欲給此個山講：『對遮徙去遐亦欲徙去；閣恁啲欲無一項𣍐。』」
耶穌第二擺預言受害死及復活
17:22 ( 可 9:30-32 路 9:43-45 )
𪜶猶住加利利的時，耶穌給學生講：「人子欲受送交佇人的手。
17:23 𪜶欲刣伊，第三日復活。」學生真憂悶。
納丁稅
17:24 𪜶到迦百農，有收丁稅的就近彼得，講：「恁先生豈無納丁稅嗎？」
17:25 伊講：「有。」已經入厝，耶穌代先給伊講：「西門啊，你拍算怎樣？世上諸個王對是誰收餉及抽丁稅？是對家己的子兒？抑是對外面人啊？」
17:26 伊一下講：「對外面人。」耶穌就給伊講：「若是按呢，就子兒通免。
17:27 總是免致塞礙𪜶，你去海裡放釣，掠代先上釣的魚，開伊的嘴，欲得著銀一個，提來，為著我及你納互𪜶。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。