上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
上帝選召以西結做先知
2:1 伊對我講：「人子啊，你起來徛，我欲及你講話。」
2:2 伊對我講話的時，神就入我的內面，互我徛起來，我就聽見彼位對我講話者的聲。
2:3 伊對我講：「人子啊，我差你去到以色列族。到悖逆的邦國，𪜶是悖逆我的，𪜶及𪜶的列祖違逆我，直到今仔日。
2:4 諸個子面皮厚，心硬。我差你去𪜶遐，你著對𪜶講：主耶和華按呢講。
2:5 𪜶豈採聽，豈採聽，（因為𪜶是悖逆的家），欲知佇𪜶中間的確曾有先知。
2:6 人子啊，雖然有草茦蒺藜佇你遐，閣你𫢶佇蠍仔蟲的中間，攏莫得驚𪜶，也莫得驚𪜶的話；𪜶雖然是悖逆的家，猶久莫得驚𪜶的話，也莫得因為𪜶的面貌來驚惶。
2:7 𪜶豈採聽，豈採聽，你做你將我的話給𪜶講；因為𪜶是極其悖逆的。
2:8 「人子啊，你著聽我對你所講的話，你通悖逆親像彼個悖逆的家，你著開嘴食我所互你的。」
2:9 彼時我看，看啊，有一支手伸向我遮來，看啊，手內有一卷冊。
2:10 伊將彼本掀開佇我的面前，內外攏有寫字，彼頂面所寫的有哀傷、吐氣、災禍的話。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。