上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬可福音
歹佃農的譬喻
12:1 ( 太21:33-46 路20:9-19 )
耶穌閣用譬喻對𪜶講：「有一個人開墾一區葡萄園，四面圍籬笆，挖一個酒窟，起一個守望台，將此區園租互佃農，後來出外去真遠的所在。
12:2 收成的時到，伊差一個奴僕去佃農遐，欲給𪜶收園裡的果子。
12:3 𪜶掠彼個奴僕，給伊拍，趕伊空手倒去。
12:4 伊閣差另外一個奴僕去，𪜶傷害伊的頭殼，給伊侮辱。
12:5 後來，園主閣差別的奴僕去，𪜶給伊刣死。伊閣差真多奴僕去，有的互𪜶拍，有的互𪜶刣死。
12:6 伊猶有一個，就是所疼的子，最後嘛差伊去佃農遐，想講『𪜶會尊重我的子』。
12:7 拘許個佃農參詳講：『此個是伊的繼承人。來，咱來給伊刣死，伊的財產就變做咱的。』
12:8 𪜶就給伊掠起來，給伊刣死，給㧒出去葡萄園的外面。
12:9 「按呢，葡萄園的主人會按怎處理？伊會來剿滅諸個佃農，將葡萄園租互別人。
12:10 恁豈曾讀著此段聖經的記載：
起厝師傅所棄拺的石
已經成做上重要的基石。
12:11 這是主的作為，
對咱來看實在真奇妙。」
12:12 許個猶太人的領導者知影耶穌講此個譬喻是啲指𪜶，就想欲給伊掠，拘驚群眾，就離開。
納稅的問題
12:13 ( 太22:15-22 路20:20-26 )
𪜶差幾若個法利賽派的人及希律黨的人去耶穌遐，欲尋伊的話柄通給伊陷害。
12:14 𪜶就去，對耶穌講：「老師，阮知你真誠實，無論什麼款人，你對待𪜶攏無差別，你只有忠實教示上帝的道理。按呢，納稅互羅馬皇帝凱撒有合律法無？阮著納稅抑免？」
12:15 耶穌看出𪜶的詭計，就對𪜶講：「是按怎欲給我試探？提一個銀幣互我看覓咧。」
12:16 𪜶就提一個銀幣來。耶穌問𪜶：「這是什麼人的像，什麼人的字號？」
𪜶應講：「凱撒的。」
12:17 耶穌給𪜶講：「凱撒的物互凱撒；上帝的物互上帝。」
𪜶對耶穌感覺真著驚。
死人復活的問題
12:18 ( 太22:23-33 路20:27-40 )
有一寡主張無復活的撒都該派的人來耶穌遐，問伊講：
12:19 「老師，摩西所寫的律法給阮講：『若有人伊的兄死去，放某無放子，伊作小弟的著娶兄嫂替兄傳宗接代。』
12:20 以前曾有七個兄弟，上大的娶某，無留後代就死去。
12:21 第二個娶伊的兄嫂，嘛無留後代就死去。第三個嘛像款。
12:22 此七個兄弟攏無留後代，最後此個婦仁人嘛死去。
12:23 復活的時，𪜶攏復活，按呢此個婦仁人是叨一個人的某？因為此七個攏曾娶伊做某。」
12:24 耶穌給𪜶講：「恁著，因為恁識聖經，嘛識上帝的權能。
12:25 𪜶對死人中復活的時，及天頂的天使像款，無嫁無娶。
12:26 關係死人復活，恁豈曾讀著摩西的冊『啲𤏸的莿』彼段？上帝對摩西講：『我是亞伯拉罕的上帝，以撒的上帝，雅各的上帝。』
12:27 伊是死人的上帝，是活人的上帝。恁完全著！」
第一重要的誡命
12:28 ( 太22:34-40 路10:25-28 )
有一個經學教師來，聽著耶穌及撒都該派的人啲辯論，看耶穌應了真著，就問伊：「所有的誡命中，叨一條第一重要？」
12:29 耶穌應講：「第一是：以色列啊，恁著聽！主—咱的上帝是獨一的主。
12:30 你著全心，全情，全意，全力疼主—你的上帝。
12:31 第二是：著疼厝邊親像疼家己。無別的誡命比諸個閣較重要。」
12:32 彼個經學教師對耶穌講：「老師，你所講的真著。你講上帝只有一位，伊以外無別的；
12:33 閣講著用全心，全智，全力疼上帝，閣疼厝邊親像疼家己是比獻攏總的燒化祭及祭物閣較要緊。」
12:34 耶穌看著伊應了真有智慧，就給伊講：「你離上帝國無遠。」
彼時以後，無人敢閣問耶穌什麼問題。
關係大衛後代的問題
12:35 ( 太22:41-46 路20:41-44 )
耶穌佇聖殿啲教示的時，問講：「經學教師哪會講基督是大衛的後代？
12:36 大衛本身受聖神感動講：
主給我的主講：
你坐我的正旁，
到我互你的對敵屈服佇你腳下。
12:37 大衛本身講基督是主，基督哪會是大衛的後代？」
持防經學教師
( 太23:1-36 路20:45-47 )
有一大群人愛聽耶穌的教示。
12:38 耶穌教示講：「著持防經學教師。𪜶愛穿長衫行來行去，佇市場口互人請安，
12:39 佇會堂坐高位，佇宴會坐大位。
12:40 𪜶侵佔寡婦的家伙，刁故意祈禱真長。𪜶會受閣較重的刑罰。」
寡婦的奉獻
12:41 ( 路21:1-4 )
耶穌坐佇聖殿奉獻櫃的對面啲看人獻錢落去。真多好額人獻真多錢。
12:42 有一個散赤的寡婦來，獻兩個銅錢仔，就是一角銀。
12:43 耶穌叫門徒來，給𪜶講：「我實在給恁講，此個散赤的寡婦獻入去奉獻櫃的，比眾人獻的閣較多。
12:44 因為𪜶攏是獻用賰的，拘此個寡婦雖然真散赤，猶久提所有的，就是全部的生活費攏獻落去。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。