上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬可福音
耶穌醫好半身不遂的人
2:1 ( 太9:1-8 路5:17-26 )
幾日後，耶穌閣去迦百農，有消息傳講伊佇厝內，
2:2 就有真多人聚集倚來，煞攏無空位，連門口都無。耶穌對𪜶啲講道的時，
2:3 有四個人扛一個半身不遂的人來伊遐。
2:4 因為人真多，𣍐當扛到耶穌的面前，𪜶就佇伊頂面的厝頂拆一空，互彼個半身不遂的人倒佇床舖縋落去。
2:5 耶穌看見𪜶的信心，就對彼個半身不遂的人講：「少年人，你的罪赦免啦！」
2:6 有幾若個經學教師坐佇遐，心內啲議論：
2:7 「此個人哪會按呢講？伊啲褻瀆上帝！獨一的上帝以外，什麼人會當赦罪？」
2:8 耶穌內心隨時知影𪜶按呢啲議論，就對𪜶講：「是按怎恁心內啲質問此個代誌？
2:9 對半身不遂的人講『你的罪赦免啦』，抑是講『起來，夯你的床舖起來行』，叨一項較簡單？
2:10 不過我欲互恁知人子佇地上有赦罪的權柄。」耶穌就對彼個半身不遂的人講：
2:11 「我給你講，起來，夯你的床舖，轉去恁兜！」
2:12 伊就起來，隨時夯伊的床舖，佇眾人的面前行出去。眾人攏大著驚，歸榮光互上帝講：「阮前到今曾看著此款代誌！」
耶穌呼召利未
2:13 ( 太9:9-13 路5:27-32 )
耶穌閣去加利利湖邊，有一大陣人來伊遐，伊就給𪜶教示。
2:14 耶穌經過的時看著亞勒腓的子利未坐佇稅關，就對伊講：「來隨我！」利未就起來隨耶穌。
2:15 後來，耶穌佇利未𪜶兜食飯。有真多貿稅的及罪人嘛及耶穌以及伊的門徒做夥食飯，因為有真多人啲隨耶穌。
2:16 一寡法利賽派的經學教師看著耶穌及罪人以及貿稅的做夥食飯，就對伊的門徒講：「是按怎伊及貿稅的以及罪人做夥食？」
2:17 耶穌聽著就給𪜶講：「健康的無需要醫生，破病的才有需要。我來，是欲招義人，是欲招罪人。」
禁食的問題
2:18 ( 太9:14-17 路5:33-39 )
約翰的門徒及法利賽派的人啲禁食。有人來問耶穌：「約翰的門徒及法利賽派的門徒禁食，是按怎你的門徒無禁食？」
2:19 耶穌應講：「新郎猶及婚宴的人客做夥的時，人客豈會禁食？𪜶猶及新郎做夥的時𣍐禁食。
2:20 日子啲欲到，新郎會互人對𪜶中間掠去，彼日𪜶就會禁食。
2:21 「無人用無勼水的布去補舊衫。若按呢做，彼塊新布會糾裂舊衫，顛倒破閣較大空。
2:22 嘛無人將新酒入佇舊皮袋。若按呢做，新酒會給皮袋爆破，酒流出來，皮袋嘛歹去。新酒應該入佇新皮袋！」
安息日的問題
2:23 ( 太12:1-8 路6:1-5 )
有一個安息日，耶穌對麥園經過。伊的門徒那行那摘麥穗。
2:24 法利賽派的人對耶穌講：「你看！𪜶是按怎佇安息日做𣍐用得做的代誌？」
2:25 耶穌給𪜶講：「恁豈曾讀著大衛及隨伊的人腹肚枵需要食物的時所做的代誌？
2:26 亞比亞他做大祭司的時，大衛入去上帝的殿食獻祭的餅，嘛互隨伊的人食；此款餅祭司以外的人𣍐用得食。」
2:27 耶穌給𪜶講：「安息日是為著人來設立；人是為著安息日來創造。
2:28 所以，人子嘛是安息日的主。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。