上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記下
6
運約櫃到耶路撒冷
15:25—16:6,43 一共查出 0 筆，引用資料有問題！select chineses,engs from main where sengs = '15' or engs='15'
2 大衛起身，導隨伊的眾百姓，對巴拉‧猶大去欲對遐扛上帝的櫃來；此個櫃的名是用坐佇二個𠼻𡀔兵的中間萬軍的耶和華的名來稱者。
3 𪜶下上帝的櫃佇新的車，對山頂亞比拿達的家載出來；亞比拿達二個子烏撒及亞希約趕彼個新車。
4 𪜶將伊及上帝的約櫃對山頂亞比拿達的家載出來，亞希約行佇櫃的頭前。
5 大衛及以色列的全家佇耶和華的面前，用松柴所造逐號的樂器及琴、瑟、鈴瓏鼓、大鼓、鈸，來作樂跳舞。
6 𪜶到拿艮的五榖場，烏撒伸手扶上帝的約櫃，因為牛著觸。
7 耶和華受氣烏撒，上帝佇遐因為伊的錯誤來拍伊，伊就死佇遐，佇上帝的櫃邊。
8 因為耶和華忽然拍死烏撒，大衛無歡喜，就稱彼所在做毗列斯‧烏撒，到今仔日。
9 當彼日，大衛驚耶和華，講：「耶和華的櫃豈可通到我的所在？」
10 對按呢大衛肯將耶和華的櫃扛入大衛的城到家己的所在，大衛就扛伊越入迦特人俄別‧以東的家。
11 耶和華的櫃𫢶佇迦特人俄別‧以東的厝三月日；耶和華賜福氣互俄別‧以東及伊的全家。
12 有人給大衛王講：「耶和華因為上帝的櫃賜福佇俄別‧以東的家及見若屬佇伊的。」大衛就去，歡喜扛上帝的櫃對俄別‧以東的厝到大衛的城。
13 扛耶和華約櫃的人行六步，大衛就獻一隻牛及一隻肥的精牲做祭祀。
14 大衛佇耶和華的面前盡力跳舞，大衛縖幼苧布的以弗得。
15 按呢，大衛及以色列全家扛耶和華的櫃上來，出歡喜的聲歕哨角。
16 耶和華的櫃入大衛城的時，掃羅的查某子米甲對窗仔門看，看見大衛𧽵起來跳舞佇耶和華的面前，心就看輕伊。
17 𪜶扛耶和華的櫃入去，下佇伊的所在，就是大衛所為伊搭的布棚。大衛佇耶和華的面前獻燒祭及謝恩祭。
18 大衛獻燒祭及謝恩祭明白，就用萬軍耶和華的名給百姓祝福，
19 閣佇許個眾百姓，就是以色列眾人，無論男女，每人分互𪜶一個餅，一塊肉，一個葡萄干餅；眾百姓就去，逐人倒去𪜶的厝。
20 大衛倒去欲給伊的家眷祝福；掃羅的查某子米甲出來迎接大衛，講：「以色列王今仔日有偌大榮光啊！今仔日露體佇人臣的女婢目睭前，親像一個無下落人無畏見誚露體一樣。」
21 大衛給米甲講：「這是佇耶和華的面前；伊揀我𨃟過你的老父及伊的全家，設立我做耶和華的百姓以色列的君王，所以我欲佇耶和華的面前跳舞。
22 我欲比此個閣卡粗俗，家己看做卑賤。你所講許個女婢，我欲受𪜶尊重。」
23 對按呢掃羅的查某子米甲，到死的日，無生子兒。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。