聖經閱讀

上一章下一章 [ 條列 | 表格 | 整段 ] 著作權聲明使用授權書PDF版使用授權書Word版
約翰福音

耶穌和撒馬利亞的女人

4:1 法利賽人聽說耶穌招收門徒和施行洗禮比約翰多。（

Ci Yis ato Samariya a Fafahiyan

4:1 Matngil no Farisay a tamdaw ko nika ikaka no nika 'aloman no nisawawaan ni Yohani ko nika 'aloman no nisawawaan ni Yis ato nipaino'an Ningra saan. Mafana' ci Yis tonini.
4:2 其實，耶穌未曾親自為任何人施洗，而是他的門徒施洗。）
4:2 (Ano so'linen a somowal i, caay ka ci Yis ko mipaino'ay, deng o nisawawaan Ningra ko mipaino'ay.)
4:3 耶穌知道這事就離開猶太，再回加利利去；
4:3 Saka, liyas sato ci Yis to Yutaya a miliyaw a tayra i Kalili.
4:4 他必須經過撒馬利亞。
4:4 Nikawrira, yo tatayra Cingra i, caay ka ^ca ka pakayra i Samariya ko rakat Ningra.

4:5 他來到撒馬利亞的敘加鎮，距離雅各給他兒子約瑟的那塊地不遠；
4:5 Saka, tangasato Cingra i Sikar hananay a niyaro' no Samariya. I ngata no nipaflian ni Yakop i wawa ningra ci Yosifan a sra konini.
4:6 雅各井就在那裏。耶穌因為趕路疲倦，就坐在井旁；時候約在中午。
4:6 Ira itira ko tfon ni Yakop. Maroray ci Yis tona romakat saka, aro' sa Cingra i tatihi noya tfon. Ma^deng o kalahokan itiya.

4:7 有一個撒馬利亞女人來打水；耶穌對她說：「請給我一點水喝。」（
4:7 Ira a tayra a miradom ko ccay a Samariya a fafahiyan. “Pananomen Kako,” han ni Yis cingra a somowal.
4:8 他的門徒已經到鎮上買食物去了。）
4:8 (Tayraay i niyaro' a micakay to kakaenen ko nisawawaan ni Yis itiya.)

4:9 那女人回答：「你是猶太人，而我是撒馬利亞女人，你為甚麼向我要水喝呢？」（原來猶太人跟撒馬利亞人不相往來。）
4:9 Itiya i, pasowal i ci Yisan koya Samariya a fafahiyan, “O Yutaya a tamdaw kiso i, nawiro pananomen kako saan kiso i takowanan o Samariya a tamdaw saw?” han ningra. (Nawhani caay ka lcad ko lisin no Yutaya a tamdaw ato Samariya a tamdaw. Saka, caay pilingwa ko Yutaya to Samariya.)

4:10 耶穌說：「要是你知道上帝的恩賜和現在向你要水喝的是誰，你就會求他，而他會把活水給你。」
4:10 Paca'of sa ci Yis a somowal, “Ano mafana'ay kiso to sapafli no Kawas i tisowanan, ano mafana'ay kiso tonini a Pananomen Kako sanay a tamdaw i, kona mingitangit kiso i Takowanan ta mapafli Ako kiso to ma'oripay a nanom,” han Ningra.

4:11 那女人說：「先生，你沒有打水的器具，井又深，你哪裏去取活水呢？
4:11 Pasowal sa koya fafahiyan, “Singsiaw, awaay ko nitatoyan iso a sapihacol. Talolong konini a tfon. Saka, icowa kiso a miala toya ma'oripay a nanom hananay iso saw?
4:12 我們的祖先雅各給我們這口井；他、他的兒女，和他的牲畜都喝這口井的水。難道你自以為比他還大嗎？」
4:12 Nipaflian ni Yakop o tato'asan ita kita tonini a tfon. Itini tona tfon a minanom cingra ato wawa ningra ato pina'orip ningra. Ikaka no nika tadamaan ni Yakop ko nika tadamaan ako saan kiso saw?” han ningra.

4:13 耶穌回答：「喝了這水的人還會再渴；
4:13 Pasowal sa ci Yis i cingraan, “O minanomay tonini a nanom i, o mamiliyawho a maso'aw.
4:14 但是，誰喝了我所給的水，誰就永遠不再渴。我給的水要在他裏面成為泉源，不斷地湧出活水，使他得到永恆的生命。」
4:14 Nikawrira, o minanomay a tamdaw toya sapafli Ako a nanom i, caayto ko mamaso'aw a tahada'oc. O sapafli Ako a nanom i, o mamatiya o nemnem a mapowar i cingraan a malamida'ocay a 'orip ningra,” han Ningra.

4:15 女人說：「先生，請給我這水，使我永不再渴，也不用再來這裏打水。」
4:15 Pasowal sa koya fafahiyan, “Singsiaw, paflien kako tora nanom. Ta caayto ka so'aw kako. Ta caayto ka tayni kako a miradom,” han ningra.

4:16 耶穌對她說：「去叫你的丈夫，然後再到這裏來。」
4:16 Pasowal sa ci Yis i cingraan, “Olili, tahidangenho ko fa'inay iso a patayni,” han Ningra.

4:17 女人說：「我沒有丈夫。」耶穌說：「你說你沒有丈夫，並沒有錯。
4:17 Paca'of sa koya fafahiyan, “Awaay ko fa'inay ako,” han ningra.
Pasowal sa ci Yis, “Awaay ko fa'inay ako sa kiso i, matamaayto.
4:18 你曾經有五個丈夫，現在跟你一起的不是你的丈夫。你說的話是對的。」
4:18 Nano lalimaayto ko fa'inay iso. Ora cafay iso a fa'inay anini i, caay ko fa'inay iso. Saka, so'linay kora sowal iso,” han Ningra.

4:19 女人說：「先生，我看出你是一位先知。
4:19 Pasowal sa koya fafahiyan, “Singsiaw, o pali'ayaway to sowal no Kawas Kiso sa kako.
4:20 我們撒馬利亞人的祖先在這山上敬拜上帝，你們猶太人卻說耶路撒冷才是敬拜上帝的地方。」
4:20 Itini tona lotok a mita'ong to Kawas ko tato'asan niyam. Nikawrira, o sowal namo i, caay ka ^ca ka o Yirusalim ko pita'ongan to Kawas saan kamo,” han ningra.

4:21 耶穌對她說：「女人，要信我！時刻將到，人不再在這山上或在耶路撒冷敬拜天父。
4:21 Pasowal sa ci Yis, “Paso'linen ko sowal Ako. Ano hakowaay i, caayto ka itini tona lotok, caay ka itira i Yirusalim ko pita'ongan no tamdaw to Wama.
4:22 你們撒馬利亞人不知道你們所拜的是誰，我們猶太人知道我們所拜的是誰，因為救恩是從猶太人來的。
4:22 Caay ka fana' kamo o Samariya a tamdaw to nita'ongan namo a Kawas. Mafana' kami o Yutaya a tamdaw to nita'ongan niyam. Nawhani itini i Yutaya a tamdaw a masadak ko pa'oripay.
4:23 可是時刻將到，現在就是了，那真正敬拜天父的，要用心靈和真誠敬拜。這樣的敬拜就是天父所要的。
4:23 Maraodto ko romi'ad imatini, o so'linay a mita'ong to Wama i, kao nano 'icel no 'Adingo no Kawas ko sapacakat i Cingraan a so'lin ko pita'ong. O matiniay ko milongocan no Wama.
4:24 上帝是靈，敬拜他的人必須以心靈和真誠敬拜。」
4:24 O 'Adingo ko Kawas. Deng pakayni i 'icel no 'Adingo Ningra ko saka so'lin no tamdaw a mita'ong i Cingraan.”

4:25 女人對他說：「我知道那稱為基督的彌賽亞要來，他來了就會把一切的事都告訴我們。」
4:25 Pasowal sa koya fafahiyan, “Mafana' kako to nika o aira a tayni ko Misiya. Ano irato Cingra i, o papakafana' Cingra i titaanan to polong no dmak,” han ningra.

4:26 耶穌回答：「我，正在跟你說話的，就是他！」
4:26 Pasowal sa ci Yis, “Ora somowalay i tisowanan imatini i, orira Kako,” han Ningra.

4:27 就在這時候，耶穌的門徒回來了。他們看見他正在跟一個女人說話，覺得很驚奇，可是沒有人問那女人：「你要甚麼？」或問耶穌：「你為甚麼跟她說話？」
4:27 Itiya i, irato a patiko ko nisawawaan ni Yis. Fahka' cangra a minengneng to nika sasowal ni Yis ato ccay a fafahiyan. Nikawrira, “O maan ko nilongocan iso? Nawiro masasowal Kiso atora fafahiyan?” awaay ko sanay a milicay cangraan.

4:28 那女人放下水罐，往鎮上去，向大家說：
4:28 Itiya i, tli hanto noya fafahiyan ko 'atomo ningra a tayra i niyaro' a pasowal i tamdamdaw,
4:29 「你們來看！有一個人把我生平所做一切的事都說了出來；這個人也許就是基督吧？」
4:29 “Katayni a minengneng. Iraay ko pasowalay i takowanan to polong no nano dmak ako. Latek o Misiya kora tamdaw,” han ningra.
4:30 大家就出城去看耶穌。
4:30 Sadak sato cangra nai niyaro' a tayra i ci Yisan.

4:31 這時候，門徒勸耶穌：「老師，請吃點東西。」
4:31 Itiya i, ngitangiten no nisawawaan ci Yis a somowal, “Singsiaw, kakomaenho,” han nangra.

4:32 耶穌回答：「我有吃的東西，是你們所不知道的。」
4:32 Pasowal sa ci Yis i cangraan, “Ira ko kakaenen Ako to caay ko kafana'an namo a kakaenen,” han Ningra.

4:33 門徒彼此議論：「難道有人拿東西給他吃嗎？」
4:33 Saka, sasowasowal sa ko nisawawaan, “Latek iraay ko patayniay i Cingraan to kakaenen,” saan.

4:34 耶穌對他們說：「我的食物就是實行差我來那一位的旨意，並且完成他交給我的工作。
4:34 Pasowal sa ci Yis i cangraan, “O nipido^do to nafaloco'an no miocoray i Takowanan ato nipilahci to tayal Ningra ko malo kakaenen Ako.
4:35 你們說：『再過四個月才是收割的時候。』我告訴你們，看看那片田地吧，農作物已經成熟，可以收割了！
4:35 Spat ho a fulad ta maraod ko pipanayan, sanay ko sowal namo. Pasowalen Ako kamo, ca'ngawen a minengneng ko omah. Marahrahto, o papanayento.
4:36 收割的人得到報賞，為永恆的生命積聚果實，使栽種的和收割的，一同快樂。
4:36 Cilifon ko mipanayay a tamdaw. Misa'opo cingra to kinaira to sakaci'orip no tamdaw to mida'ocay 'orip. Ta mapolong ko mifolsakay ato mipanayay a lipahak.
4:37 『一人栽種，另一人收割』這話是真的。
4:37 So'linayto ko sowal no mato'asay to Mifolsak ko ccay, mipanay ko ccay, yasanay.
4:38 我差遣你們去收割你們所沒有耕作的田地；別人辛勞，而你們享受他們辛勞的成果。」
4:38 Maocorto Ako kamo a papipanay to caay ko nano nikatayalan namo. O nano nikarorayan no tao a matayal i, kamoto ko milayapay tora hci,” han Ningra.

4:39 鎮上有許多撒馬利亞人信了耶穌，因為那女人說：「他把我所做的事都說了出來。」
4:39 'Aloman ko paso'linay i ci Yisan a Samariya a tamdaw noya niyaro'. Nawhani “Mapasowal Ningra kako to polong no nano dmak ako,” han noya fafahiyan cangra a pasowal.
4:40 那些撒馬利亞人來見耶穌，要求他和他們一起住，於是耶穌在那裏住了兩天。
4:40 Saka, tayra sato i ci Yisan koya Samariya a tamdamdaw. “Kaitiniho i tamiyanan a milafin,” han nangra ci Yis a mingitangit. Saka, tosa a romi'ad ci Yis itira.

4:41 有更多的人因耶穌的信息而信了他。
4:41 Matongal ko nika 'aloman no paso'linay ci Yisan to nano sowal Ningra.
4:42 他們告訴那女人：「我們現在信了，不是因為你說的話，而是因為我們親自聽見了他的話，知道他真是世界的救主。」
4:42 Ta sowal sa cangra toya fafahiyan, “Caayto ko nano sowal iso ko sapaso'lin niyam. To^to sa kami a mitngil to sowal Ningra. Saka, mafana' kami to nika o so'linay a Pa'oripay to tamdamdaw no hkal Cingra,” han nangra.

O Piadah to Wawa no Mikowanay

耶穌治好官員的兒子

4:43 耶穌在那裏住了兩天，然後到加利利去。
4:43 Iikor no tosa a romi'ad i, liyasen ni Yis ko itiraay a tayra i Kalili.
4:44 他自己說過：「先知在本鄉是不受尊重的。」
4:44 Nawhani nano pali'ayaway ci Yis toya, “O pasowalay to sowal no Kawas a tamdaw i, caay ka kangodoen no iniyaro'ay no tireng,” sanay.
4:45 耶穌一到加利利，當地的人都歡迎他；因為他們上耶路撒冷過逾越節的時候，看見了他在節期中所做的一切事。
4:45 Yo tahira ci Yis i Kalili i, litmohen no itiraay a tamdaw Cingra. Nawhani nano tayraay cangra i Yirusalim a misalisin. Ma'araway nangra ko polong no dmak ni Yis itira i pisalisinan.

4:46 耶穌又回到加利利的迦拿，就是從前他變水為酒的地方。那地方有一個官員，他的兒子在迦百農害病。
4:46 Miliyaw ci Yis a tayra i Kana no Kalili. Namifalicay ci Yis to nanom a pala^pah itira. Ira itira ko nipatirengan no hongti a mikowanay. Adada ko wawa ningra itira i Kapirnaum.
4:47 他一聽到耶穌從猶太來到加利利，就去見他，求他去迦百農治好他那病危的兒子。
4:47 Matngil ningra ko nika ira ci Yis nai Yutaya a tayni i Kalili. Saka, tayra sato cingra i ci Yisan a mingitangit to sakatayraaw ni Yis i Kapirnaum a papiadah toya sakapatayananay a wawa ningra.
4:48 耶穌對他說：「要不是看見神蹟奇事，你們總是不信。」
4:48 Pasowal sa ci Yis i cingraan, “Ano awaay a ma'araw namo ko kafahka'an a dmak ato nipahapinang no Kawas i, caay ko papaso'lin kamo,” han Ningra.

4:49 那官員回答：「先生，求你在我兒子沒有死以前同我一起去。」
4:49 Pasowal sa koya nipatirengan no hongti a mikowanay, “Singsiaw, katayraho imatini a minengneng yo caho ka patay ko wawa ako,” han ningra.

4:50 耶穌對他說：「去吧，你的兒子會活的！」那人信了耶穌的話就回去。
4:50 Pasowal sa ci Yis, “Pinokayto. Maadahayto ko wawa iso,” han Ningra.
Paso'lin sa koya tamdaw to sowal ni Yis ta minokay.
4:51 在途中，他的僕人迎著他來，對他說：「你的兒子活了！」
4:51 Yo i lalanho cingra i, malitmoh no matayalay ningra cingra a pasowal to nika adahto no wawa ningra.

4:52 他問他們，兒子是甚麼時候好起來的。他們回答：「昨天下午一點鐘的時候，熱退了。」
4:52 “O hacowa ko sakanga'ay ningra,” han ningra a milicay i, “Ccay ko toki to hrek no lahok inacila a mafasaw ko fa^det ningra,” han nangra.
4:53 那父親想起，就是在那個時間，耶穌對他說「你的兒子會活的」。因此他和他全家都信了。
4:53 Maharateng noya mikowanay ko sowal ni Yis to Maadahayto ko wawa iso sanay. “Malcad ko pipasowalan ni Yis a tatokian ato kaadahan no wawa ako,” saan cingra. Saka, paso'lin sato cingra ato paro no loma' ningra a ma^min.

4:54 這是耶穌從猶太回到加利利後所行的第二個神蹟。
4:54 Natayni i Kalili ci Yis nai Yutaya i, o saka tosa a kafahka'an a dmak Ningra konini.

上一章下一章 [ 條列 | 表格 | 整段 ] 重新查詢

經文由台灣聖經公會提供，不超過500節經文的使用權無須預先獲得批准，但請註明版權所屬。檢索技術與程式由 CBOL計畫提供，網站與資料庫資源由信望愛資訊中心提供。

《現中修訂版》之替代字：「著」代替「」、「敘」代替「」、「毀」代替「」、「犁」代替「」

Fonts(Version 3.1) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative. 漢字字型3.1版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。